हजार लाख कि …. ?

ऐ कबीरा …
पहिले विद्यार्थी
मग नोकरी ,
नंतर छोटे धंदे,
पुढे मोठ्या व्यवसायाकडे ,
आता तर चक्क  नामवंत उद्योगपती,
प्रवास रुपया पासुनतर अब्जोधीश  पर्यंतचा…
 बालपणा पासुनतर पार वृद्ध होयीपर्यंतचा …
सुख सोयी तर अमाप अपार त्याही पार
मग
तरीही का?
आठवितो तो रुपया ,
त्यात आणायला सांगितलेला 'बा'नं
आठवडी बाजार ,
व त्यात उरेल कसा एखाद आन …
त्यासाठी सततची चाललेली
दुकानदारासोबत घासाघीस व त्यात वाचलेलं नाण…
त्या लहानग्या हातात
इवल्याश्या मुठीत घट्ट धरलेलं
व पिशविसहित आनंदाच्या भरात
घेतलेली ती धाव   … त्या प्रचंड धुळीमध्ये
विकणार्या "डब्बा कुल्पी" कडे ….
खरच तो आनंद तो क्षण ती घासाघीस ती
मनाची निर्मळता , इवल्याश्या हातातील,
इवल्याशा नान्यापरी तो इवलासा निर्मळ स्वार्थ,
 कोठे शोधू ? कसा आणू …
ऐ कबीरा …
सांग ना !
किती मोजू ?
हजार लाख कि …. ?

- प्रवीण बाबूलाल हटकर