गझल
जरा जरा खुणावते मनातल्या मनात ती
मला खुशाल जाळते मनातल्या मनात ती
मला खुशाल जाळते मनातल्या मनात ती
तशी समोर टाळते निहाळते लपून का
उगाच का सतावते मनातल्या मनात ती
उगाच का सतावते मनातल्या मनात ती
कधी मधाळ रात्र ती, कधी अधीर सांज ती
कधी पहाट हासते मनातल्या मनात ती
कधी पहाट हासते मनातल्या मनात ती
जरा बटास सोडता, जगास वेड लावते
मला तशीच बांधते, मनातल्या मनात ती
मला तशीच बांधते, मनातल्या मनात ती
कधी लकीर ओढते कधी लकीर खोडते
उगाच डाव मांडते मनातल्या मनात ती
उगाच डाव मांडते मनातल्या मनात ती
कधी किशोर ऐकत रफी सुरात डोलते
खुशाल तार छेडते मनातल्या मनात ती
खुशाल तार छेडते मनातल्या मनात ती
जशी नभात चांदणी तशी मनात साजनी
किती समीप वाटते मनातल्या मनात ती
किती समीप वाटते मनातल्या मनात ती
चराचरात तीच ती कणाकणात तीच ती
मला प्रवीण वाटते मनातल्या मनात ती
मला प्रवीण वाटते मनातल्या मनात ती
-प्रवीण बाबूलाल हटकर
