नव्या भाकरीच्या शोधात …

मदमस्त बहरलेली मध्यरात्र
स्ट्रीट लायीट खाली ,
सुंदरतेने शृंगाराने ,
हरेक दागिन्यात  नटलेलं ,
ते मादक सौदर्य ,
नव नव आशेने  पहिल्यांदाच
उभे ,
हसऱ्या लाजऱ्या बुजर्या हालचालीत …
बहुतेक नव्या भाकरीच्या शोधात …
नी ,
हरेकाच्या नजरेत भरणारे ते
नाजूक साजूक सौदर्य
वेगवेगळ्या विशिष्ट पण मोठ्या बोलीसह …
शेवटी विकल्या गेलं …
हरेक दागिन्यासह उतरत होते कपडे ,
रात्र पुढे पुढे सरकत होती ,
छिन्न विच्छिन्न शिलाशी खेळले जात होते
वेगवेगळ्या पद्धतीने आळीपाळीने चार चौघात
मद्यधुंद नशेत , किंकाळी आरोळी वाढता सूर,
वाढवीत होता जोर , असहनीय लचके ,
विनवणी येथे ,अधिक असुर बनवीत होती …
 केंसातील गजरासह पार अंग
चुरगळल्या गेल , अस्ताव्यस्त केसासह
पहाट होत होती , एक एक झन मोकळे होत होते
वासने सह … पहाट उजळली वासना संपली ,
खचलेल्या अंगाने अडखळत उठत उठत ,
हव्यातश्या भोगलेल्या शरीराला झाकत झाकत ,
पुन्हा दागीन्याना चढवत चढवत ,
फेकलेल्या हिरव्यागार नोटाना उचलत उचलत ,
नकोश्या आरश्यात चुकून झाकाल्या गेले …
अन दिसले …
रात्री ,
  दागिन्यासह ,
मनाची कात उतरलेली …शरीरा सह अस्मिता भोगलेली
त्याच … नव्या भाकरीच्या शोधात …. स्वतःह
करवून घेतलेला स्वतावर बलात्कार …

-प्रवीण बाबूलाल हटकर .